Xaawo luul waa innan 15 jir ah waxa eey Ku dhalatay kuna barbaartay waddan duruufo adag eey ka jiraan gaar ahaan dhanka caafimaadka, dadkuse kale roon oo duruufaha uma sina xaawo iyo qoyskeda waxa eey ka mid yihiin bulshada inteeda ugu tabarta daran. Xaawo waa xaas oo waxa eey u dhaxdaa Xasan, Xasan waa ma shaqeeyste oo maalintii oo idil waa uu hurdaa habeenkiina waa uu qayilaa waa sababta loogu naaneeyso Xasan xoolo. Qooyska waxa u dhaqdhaqaaqa xaawa luul. waaga marka uu cadaado waxa eey u amba baxdaa magaalada si eey u soo shaqeeyso waxa eey maalintii soo shaqeeysana habeenkii ayeey dabka Ku shubtaan. Maantase maalmahii hore kaduwan oo xaawo luul suurta gal uma aha in eey magaalada u shaqo tagto waayo waa xaamilo oo waxa galay shinkeedii waxaana la gaaray waqtigii loogu heesay;
Habeenkii wuu dhaqaaqay
Sadkaagiina wuu dhamaaday
Dhexdeediyo feeraheeda
Hadaad soo dhaafi weeydo
Dhimasho kama baxsaneyso
Dhamoow waxa nala wanaagsan
Ineey dhaqso kala timaadee
Ha dhibin hooyadaa
Ee Soo dhalo.
Xaawo luul waxa eey u wacatay hooyadeed xaliimo suuban maadama eey aheeyd gabadh ugub ah waqti yar kadib waxa loola cararay isbitaal Ku yaala dhanka koonfureed ee magaalada, waxa eey si dhakhso leh Ku gaareen isbitaalkii eey doonayeen waxa eeyna orad Ku galeen qolka gargaarka dag daga ah, Hooyo suuban Garbo saarka inta uu ka dhacay ayeey labada garab midkood Ku sidataa, kabaha eey xidhneeyd midkood waa eey go’neyd Laakiin waa eey Ku socotay. Warwar Hooyo ayaa korkeeda ka muuqday dareenka laabteeda ka oognaa waxa laga dheehanayay korkeeda, Mar waxa eey eegeeysay gabadheeda mar kalana ilmaha uurka Ku jira. Markiiba waxa loo dhaadhiciyay Dhanka iyo qolka qalniinka. Nin sita dhar cagaar ah ayaa kaga horeeyay markii sariirta la saaray ayaa waxa uu war ugu bilaaway aaway resiidkii aad Lacagta Ku soo bixiseen. Hooyo suuban ayaa ugu warcelisay hooyo weeynu bixin doonaa ee inoo hoowlgal.
Fiq dhakhtarkii ruux askari ayuuba yeeshay! Aaway kalkaaliyaashii IGA bixiya dadkan ilaa eey Lacagta bangiga kaga soo shuubaan la iima soo xareen karo erayadaas iyo kuwa kale oo Canaan ah ayuu is dabadhigay. Waana laga saaray qolkii qalniinka.
Hooyo suuban yaab iyo amakaagbaa ka soo haray. Lax dhukun abaar Moog dhakhtarku maba oga in dadkan magaca Bangi eey barashadiisu u dhimantahay! maalintiina waxa eey soo shaqeeystaan eey habeenkii dabka saartaan. Irridaha eebaheey hal mar mawada xirmaan oo markiiba mid kamid ah kalkaaliyaashii ayaa u tilmaantay WAAX ka tirsan isbitaalka oo eey Ku dul qorneeyd Waaxda tobabarada iyo qalniinka. Waxa eey irida ka soo galeen goobtii tilmaanta lagu siiyay horary beey u sii dhaqaaqeen waxa eey isha mariyeen sariiraha hoowlka yaalay bal in eey Ku dhax arkaan qof adeego caafimaad, hayeeshee indhahoodu ma eeysan qaban waxa aanan ka aheeyn ubad kalxamahoodu soo baxeen, hooyooyin kor tuban Iyo agab wada gaboobay. Intaas oo dhan war uma heeyso Hooyo suuban waxa eey kolba hoos u eegtaa inantan aan afka isku qabaneynin xanuunka foosha oowgeed. Weli meeysan arag Cid shaqaalo ah oo caawisa. Sariiraha u shisheeyo ee hoowlka waxa jiifta gabadh cad oo buuran sidatana dharka kalkaalisanimada. Si halhaleel leh ayaa eey ugu tagtay waxa eeyna ka codsatay in eey caawiso iyada oo hadalkeeda laga dheehanayo walaac iyo walbahaar tiro badan. In eey u damqato iskaba daayee u meeysan muujin in yar oo naxariis ah waxa eeyna Ku hadleeysay taleefoonkeeda gacanta. Waxa eey cod dheer Ku qaadeeysay erayo kamid ah heesta eey Ku luuqeeyso Aamino C.laahi Oo aheeyd;
Ha igu samir darnaanine
Adigoon sal fududaanino
Saluugin waayaha
Aniguba saq iyo waa
Sidaan kuugu go’ayaan
Sahankeed Ku maqanahee
Kuma seexan weligeey
Sedex igu walaahi ah
Siraan kugu dilaayee
Sahwiyoo jaceeylkuna
Siduu adiga kugu yahay
Ayaan kuula simanee
Cida eey la hadleeysay waxa uu ahaa saaxiibkeed oo Ku noolaa Qurbaha, waxa eey ku dadaaleeysay in eey kasbato inankan hankiisaba uu Ku egyahay inyar Oo ceeyr ah oo uu ka qaato xerada uu ku noolyahay. Hooyo suuban se waxa eey u maleeyneysay in innanta eey si toos ah ugu jirto barnaamijka codkaaga tijaabi ee ka baxa idaacadaha magaalada. inta eey afka maroojisay ayeey si hoose u tiri idaacadaha tirada badan dadku maxeey waaleen. Hoowl gudasho halkeeda ha joogtee u meeysan jawaabin xitaa iyada oo aan sariirta ka soo degin ayeey gacanta ugu ishaartay Qol dhanka bidix ka xigay.
Dantu waa dabar adag oo cadowgaga ayeey lugaha kaga xirtaa waa sababtaas mida hooyadan iyo inanteeda Ku sanduleeyay in eey nafta kula eertaan Cid aan daneeyneeyn, waa Dan iyo baahi waxa Ku khasbayo in eey ka dhursugaan gabadha firaashka eey Ku jiifto ka Jecel badbaadinta naf daryeel li’i u dhiman rabto.
Hooyo suuban waxa eey inanteedii xaawo luul u dhaqaajisay dhankii eey inantu u tilmaantay iyada oo labadeeda gacmood Ku riixeysa labadeeda maash niyadana iska oraneeyso maxaa qof kastaba isaga indha tirayaa waxa qofka kale u roon, miyaan ruuxa tabarta daran ee laga dhaqaalo roonyahay tixgeliba mudneeyn. Dabadeed Waxa eey is aragtay iyada Oo kadinka ka gashay qolkii loo ishaaray waxa eeyna naawileysa in kolkan Cid arxan lihi eey qolka kula kulanto.
Afar gabdhood oo kalkaaliyaal ula muuqday ayeey kula kulantay qolkii eey soo gashay dhamaan gabdhaha waxa eey ka baxsanaayeen jawiga aadamaha ee caadiga ah, Qaar baa indhahoodu guduud naayeen qaar kalena wejigooda waxa ka muuqday murugo iyo daal tiro badan . inta eey Hooyo suuban midba mar milicsatay ayeey gargaar weeydiisatay. Waxa eey Ku amreen in eey banaanka u ubaxdo si eey hoowshooda u qabsadaan. innantii ugubka aheeyd waxa la saaray sariirtii waxaana lagu xiray hawada noolaha uu jiido ee loo yaqaano “Oxygen”.
Waxa eey bilaaween in eey ka umuliyaan iyaga oo oranaya KOOW, LABA, SEDEX, sida iyaga oo ceel walwaaleed shubaya.Gabdhahaas ayaa waxa eey ahaayeen gabdho dhigta jaamacad marayana sanadkii sedexaad ee jaamacada.
Waxaa meesha ku sugnaa gabdh kale oo ka shaqeeyneysay naadaafada goobta waxa eeyna arkeeysay godabta meesha ka socoto. Gabadhan waxa eey shaqadan ka shaqeeyneeysay muddo shan sanadood ah waqtigaa tirada badan oo eey ku dhexjirtay hoowshan ayaa u sahlay in eey wax badan ka barato arimaha la xiriira gargaarka dagdaga ah. Waxa eeyna u sheegtay in inanta oxygen ta mar horeba ka baxday si arxan lehna eey u eegaan.
Waxa eey ugu jawaabeen iskoobahaaga ka adkoow. laakiin Mudo kadib waxa eey arkeen waxii eey oga digeeysay gabadha ka shaqeeyneysay nadaafada waxa eeyna Ku baraarugeen hooyadii ugubka aheeyd oo waqti hore nafbaxday. Alla meey dhimatay! Ajasheedaa intaa Ku ekeeyd iyo erayo kale inta eey isku dareen ayeey ka dhaqaaqeen. Hooyo suuban waxa eey Ku noqotay arinkaa nabar lama filaan iyo naxdin maguurto ah inta eey jilbaha dhulka suratay ayeey oohin jabsatay waxa eeyna Ku calaacashay alla maxaan Nolasha Ku sarfaaday.
